’’عامل زي النسوان‘‘.. أحمد العوضي يلقن محمد علي درسا قاسيا

0

- الإعلانات -

وجه الفنان أحمد العوضي، رسالة شديدة اللهجة، للمقاول الهارب محمد علي، بعد تحريضه على خروج مظاهرات ضد الرئيس السيسي.

’’عامل زي النسوان‘‘.. أحمد العوضي يلقن محمد علي درسا قاسيا

وقال العوضي، الشهير ببروسلي في مسلسل كلبش 3، عبر فيديو نشره على صفحته بالفيس بوك: «أنت طالع وعامل نفسك شبح وبطل العالم في الشبحنة، وبتقول على نفسك أنك من منطقة شعبية، لكن عايز أقولك أن الرجولة فيس تو فيس مش على الفيس، وأنت فتحت عركة بدأتها بأنك أتنصب عليك بملايين، لو دكر دافع عن حقك وتعالى واجه وأنت في مصر، ولو أنت دكر فعلًا وقلبك على الغلابة كنت عملت بـ 10 ملايين شغلت فيه ناس خصصت أرباحه لناس تانية غلابة، لكن تعمل فيلم ب 27 مليون جنيه علشان توصل رسالة.. الرسالة في الموبايل».د

وأضاف العوضي: «أنت طلعت تبيع، وبدأت الحوار أنك قلت عايز تجيب حقك، قلت في أول فيديو أتنصب عليك واشترينا وشفنا منك أول فيديو، وقلت معاك أدلة وبراهين، وبعد كده قلت أنك مش عايز الفلوس وأنك مع الشعب، وبدأت فجأة تهاجم شخص الرئيس، وقعدت ترفع حواجبك وفي ناس قالوا إنك شبهي لكن أنا ما يشرفنيش أصلًا».

وتابع: “«بعد شهرين بتقول عليهم فاسدين، لو أنت دكر وعلى وضعك كنت سحبت نفسك، لكن أنت أمنت نفسك ورحت إسبانيا وعملت شركة، وبتفتخر انك بتعرف نسوان وبتشرب مخدرات يعني كده انت كده حاسس بالغلابة إمتى كنت من الغلابة، هو في حد غلبان يعمل فيلم ب 27 مليون جنيه، طب والمسلسل اللي دفعت فيه 4 ملايين جنيه للمنتج علشان تشارك فيه، أنت فشلت كممثل وعملت نمرة مع اللي كنت شغال معاهم، إنت لو عندك عركة تعالى هنا وأنا في ضهرك، بتسخن الناس تخرب البلد وبالليل تروح تسكر”.

وختم العوضي حديثه قائلا: “أنت عايز تضحي بملايين الناس علشانك انت، عايز أقولك وسط الزحمة المصلحة بتبقى واحدة لكن النيات بتختلف، وإنت عامل زي النسوان عاوز الرجالة تتخانقلك، إنت عيل مش تمام وكداب وعندك هوس الشهرة، اللي معاك بيشجعك دلوقتي لكن هيصفيك بعدين».

Leave A Reply

Your email address will not be published.